Xaqani Has

[minona]

AZAD SEÇİM

Adam gerek özüne ölüm seçe
dünyaya getirilen kimi;
vaxtını,növünü,feslini
ve sebebini özü seçe,
bir de ölüm yoldaşını
Ondan sonra yaşamaq
asanlaşacaq.

EN BÖYÜK CİNAYETİN ŞAHİDİ OLMUR

Heyatımın tek şahidi sen idin,
içinde sen olanda men,
men olanda sen olmayan heyatımın
Ellerinden gözlerinden bilinirdi;
uşaqlıq illerimin xatireleri
gözlerinin içinde olardı
illerle gözlerine yığdığım
tekce yamağından tanıdığım
uşaqlığımdı,
her defe sene baxanda
mene baxardı.
Gencliyimin bütün kimsesizliyi
ovuclarına dolardı
her defe uzadanda ellerini
kimsesizlik axardı,
her defe tezeden içilmek üçün.
İndi yoxsan
yaşımın keçha-keçinde
İndi ki,yoxsan
töretmek olar en böyük cinayeti.

ÖLÜMÜN TALEYİ

Ölümü axtarıb ölüde tapırlar
Ölüde ölümden elamet yoxdur.
Ölü cansızdır,ölüm diri
Ölü uzanıb,ölüm yeriyir
Ölü danışmaz,
heç vaxt danışmaz.
Ölüm ise her yerde sözünü deyir
Ölünün borcu olmur.
Ölümünse borcu var
hamımıza borcu var.

En qara xeber ölüm deyil
bezen,öle bilmemekdir

Birden gördüm yaşayıram
yeni,meselen üşüyürem
qorxdum.
Ele bilirdim yoxam
qadınlar yoxdur-
sevgileri,dodaqları yoxdur.
Kiraye pulu,işıq pulu,qaz pulu yoxdur.
Mamon yoxdur,
Mamonun oğlu yoxdur,
ona eyilenler yoxdur.
Çoxdandır yox idim
Birden üşüdüm,
hem de qapı döyüldü.